जात्रा रोकिएपछि पाटनका स्थानीय आक्रोसित,हस्ताक्षर संकलन

ललितपुर खबर
३० साउन ०७८, मंगलबजार । पाटनमा युवाहरु ‘हाम्रो जात्रा खोई’ भन्दै हस्ताक्षर जुटेका छन् । कोरोना संक्रमण र यसपछि निरन्तरको निषेधाज्ञापछि सरकारले जात्रा मनाउन राेक लगाएपछि युवाहरु आक्रोसित भएका हुन् ।
सरकारले जुलुस र आमसभा,ठुला हल पार्टी प्यालेसमा कार्यक्रम,फुटपाथमा भीडभाड  हुदा  पनि नराेकेका ।  भीड गरेर उद्घाटन  अादी  कार्यत्रःम गरेकाे  तर जात्रा गर्न मात्र रोकेको भन्दै पाटनका युवाहरु आक्रोसित भएका हुन् ।
पाटन दरवार परिसरमा रहेको भिमसेन मन्दिर अगाडि शुक्रबारबाट स्थानीय युवाहरुले हस्ताक्षर संकलन सुरु गरेका हुन् ।

स्थानीय विवेककृष्ण श्रेष्ठले संकलित हस्ताक्षर प्रशासनलाई बुझाउने कार्यक्रम रहेको ललितपुर खबरलाई बताए ।
पाटनमा जात्राको सिजन सुरु भएपछि  युवा जात्रा सुरु गर्न दवाव दिन हस्ताक्षर सुरु गरेको बताउछन् । उनी भन्छन्,‘यसरी नै जात्रा छोड्दै जो हो भने अव जात्रा नगर्दा पनि हुने रहेछ भन्ने जमात बढ्ने खतरा छ ।’
स्थानीय युवा श्रेष्ठ, लामो समयसम्म जा त्रा रोकिदा बुढापाकाहरुको मृत्यु हुने र जात्रा र परम्परा सिकाउनेहरु नहुँदा जात्रा नै लोप हुने खतरा रहेको बताउछन् , उनी भन्छन ।

०७२ सालमा गएको भुकम्पपछि टोलभर घरमा टेको लगाइएको कारण दुघटना हुनसक्ने भन्दै जात्राको क्रममा टोल परिक्रममा नगर्न अनुरोध गरिएको थियो ।
भक्तपुरबाट आएर जात्रा सुरु गर्नु पर्छ भन्दै अभियान सुरु गरेका निरज बाडे सरकारको जात्रा मात्रै रोक्ने नियत रहेको बताउछन् । भन्छन्, अरु भीडभाड जन्य क्रियाकलाप रोकिएका छैनन् जात्रा मात्र रोकिएको छ ।
आफूहरुसँग २ वर्ष लामो कोरोना माहामारीको रहेको र सबैले मास्क लगाउन , सेनिटाइजर लगाउन थालेपछि जोखिम कम रहेको तर्क गर्छन् । उनी पछिल्लो समय काठमाडौं उपत्यकामा खोप लगाउने जमात समेत बढेकाले आवश्यक संख्या भेला भएर मापदण्ड पालना गरेर जात्रा मनाउदा फरक नपर्ने बताउछन् । भन्छन्, ‘सरकारले जात्रामा भेला हुनेलाई कोरोना खोप लगाएर पनि त जात्रा गराउन सक्छ नि खै यो विषयमा सोचेको ?’
मापदण्ड पालनासँगै धेरै स्वयमसेवक र सुरक्षाकर्मी परिचालन गरेर जात्रा गर्न सम्भव हुने युवाहरु बताउछन् । उनीहरुका अनुसार सामाजिक संघ संस्थाहरुले पर्याप्त मास्क, पिपिई, सेनिटाइजर व्यवस्था गरेर आवश्यक जनशक्ति परिचालन गर्ने हो भने टोलटोलमा जात्रा गर्न अप्ठ्यारो नरहेको भनाई राख्छन् ।
पाटनका एक युवा नाम नबताउने शर्तमा भन्छन्, ‘मंगलबजार र लगनखेलको फुटपाथमा विहानदेखि रातीसम्म जात्राभन्दा भीड हुन्छ ।’‘ जुलुस,नाराबाजी रोकीदैन । हाम्रो रितिरिवाज परम्परा रोकिन्छ । किन ?’उनी प्रश्न गर्छन् ।
पछिल्लो समय काठमाडौं र भक्तपुरमा स्थानीय दवावपछि जात्रा नरोकिएको उनी बताउछन् । भनछन्, भक्तपुरको विस्का जात्रा रोकिएन, काठमाडौंको सेतो मच्छिन्द्रजात्रा रोकिएन । हाम्रो मात्र जात्रा किन रोकिन्छ ।