दक्षिण ललितपुरकी कलाकार निशाको दुर्घटनाबारे छानविनको माग

ललितपुर खबर
१८ भदौं ०७८, काठमाडौं । दक्षिण ललितपुरमा जन्मेर नेपाली सिने जगतमा संर्घष गरिरहेकी निशा घिमिरेको देशरादुनमा भएको दुर्घटनाको सम्बन्धमा छानजिन गरि सत्यतथ्य बाहिर ल्याउन सरोकारवालाहरुले माग गरेका छन् ।
विहीबार पशुपति नाथ मन्दिरपरिसरमा बोल्दै कलाकार र सामाजिक अभियन्ता र परिवारजनले राज्यले स्वतन्त्र व्यक्तिहरु राखेर छानविन समिती बनाउन र सत्थतथ्य बाहिर ल्याउन र दोषिलाई कारवाही गर्न माग गरेका हुन् ।
कलाकार मोहन निरौलाले निशालाई भारत देहरादुनमा कसले र किन लग्यो भन्ने विषयशंकाकै घेरामा रहेको बताए । उनले भने,यो ठाँउ कुनै फिल्मको अध्ययनको नाम चलेको ठाँउ पनि होइन ।

दाहसंस्कारमा सहभागी धेरैजसो कलाकारहरुले निशालाई निको भएपछि सबै तथ्य बाहिरआउने भनेर आफूहरु यसअघि नबोलेको बताएका थिए । उनीहरुले एकै स्वरमा अव निशा नरहेको अवस्थामा यी कुरा बाहिर लयाउन जरुरी रहेको बताए ।
सामाजिक अभियन्ता पुण्य गौत्तमले निशाको दुर्घटनाकाबारेमा अनुसन्धान हुन जरुरी रहेको बताए । उनले सरकारलेअरु कलाकारहरु पनि सुरक्षित राख्न यो तथ्य बाहिर ल्याउन माग गरेका थिए ।