८ साउन ०७८, काठमाडौं । नारायणहिटी दरबार संग्रहालयमा अवलोकन गर्ने बहानामा श्रीपेच चोर्न खोज्ने एक जना पक्राउ परेका छन् । शुक्रवार बिहान पश्चिम रुकुम मुसिकोट–११ का खीमबहादुर घर्ती अवलोकन गर्ने बहानामा सिसा फुटाएर श्रीपेच चोरी गर्न खोजेका थिए ।
तर, सुरक्षामा खटिएका नेपाली सेनाले उनलाई पक्राउ गरेको छ । सिसा फुटाएर श्रीपेच चोर्न खोज्दा उनको हात काटिएको छ।
उनी अहिले नेपाली सेनाले नियन्त्रणमा रहेका छन् भने चोरी प्रयास गर्नुको कारणबारे अनुसन्धान भइरहेको जनाइएको छ ।
प्रतिक्रिया