१० कात्तिक ०७८, ललितपुर । नेकपा एमालेको ललितपुर महानगर कमिटीेमा पहिलोपल्ट महिलाको नेतृत्वमा महानगर कमिटी निर्वाचित गरिएको छ । मंगलबार ललितपुरको ज्वागलमा आयोजित नगरअधिवेशनमा पहिलो पल्ट पार्टीको जिल्ला तहको महिला नेतृत्वको रुपमा मञ्जली शाक्य आश्था निर्वाचित भएकी छिन् ।
नगर कमिटीको अध्यक्षमा शाक्यको मात्रै दावी परेको थियो । अन्य पदमा भने छलफलपछि सर्वसम्मत निर्णय भएको अध्यक्ष शाक्यले ललितपुर खबरलाई बताइन् ।
पुर्वमाओवादी पृष्ठभूमिबाट राजनीतिमा आएकी शाक्यको वास्तविक नाम आश्था शाक्य भए पनि उनीको राजनीतिक नाम मञ्जली शाक्य हो । शसस्त्र माओवादी युद्ध लडेकी शाक्य पार्टी एकतापछि एमालेमै रहेर राजनीतिमा सक्रिय छिन् ।
नेकपाको केन्द्रिय कमिटी सदस्य समेत रहेकी शाक्य वागमती प्रदेश सदस्य समेत हुन् ।
मंगलबार ललितपुरको ज्वागलमा आयोजना भएको नगर अधिवेशनले शाक्यको नेतृत्वमा १ सय १ जनाको नगर कमिटी निर्माण गरेको हो ।
कमिटीको उपाध्यक्ष मोहन सिलवाल, सचिव ज्ञानेन्द्र शाक्य,उपसचिव ज्ञानभक्त डंगोल र दिपेन्द्र सिम्खडा सर्वसम्मत निर्वाचित भएका छन् ।
नगरकमिटीले सचिवालय भने बनाई नसकेको कमिटी अध्यक्ष शाक्यले ललितपुर खबरलाई बताइन् । उनले भनिन्, ‘नगर कमिटीको पूर्ण पूर्ण बैठकले ३० जनाको सचिवालय गठन गर्नेछ ।’
प्रतिक्रिया