ललितपुरको गोदावरीमा बुद्धको मूर्ति चोरी

१७ पुस ०७८, ललितपुर । ललितपुरको गोदावरी ३ टौखेलको प्रतिक्षालयमा राखिएको बुद्धको मूर्ति चोरी भएको छ । प्रहरीका अनुसार गोदावरी नगरपालिका ३ टौखेल चोकस्थित मदन आश्रित प्रतिक्षालयभित्र राखिएको अन्दाजी १.५ फिट अग्लो करिब ३० हजार रुपैयाँ मूल्य बराबरको बुद्धको मूर्ति शुक्रबार दिउँसो चोरी भएको हो ।
चोरी भएको सूचना प्राप्त हुनासाथ महानगरीय प्रहरी प्रभाग बाडेगाउँबाट खटिएको प्रहरीले चोरीमा संलग्न व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको जानकारी दिएको छ ।