ललितपुर ढुंगेसाँघुमा नवनिर्मित मुक्तिनाथ धाममा दर्शनार्थीको भीड

२७ माघ ०७८, ढुंगेसाँघु (ललितपुर) । ललितपुरको गोदामचौर ढुंगेसाँघुस्थित नवनिर्मित मुक्तिनाथ धाममा आजकल हरेक दिन विहान दर्शनार्थीको भीड लाग्न थालेको छ ।
स्थानीय जागरुक युवाहरुले मुक्तिनाथ मन्दिर निर्माण गरेपछि धार्मिक पर्यटकहरुको आर्कषण बढ्न थालेको हो ।

ढुंगासाधु टोलसुधार समितीका अध्यक्ष राधाकृष्ण कार्की यहाँ दिनमा ५ देखि ६ हजारसम्म दर्शनार्थी आउने गरेको बताउछन् । उनले भने, ‘आजकल कारोनाका कारण केही भीड घटेको छ । यहाँ दिनमा २ लाख १४ हजारसम्म चन्दा उठेको छ ।’
पछिल्लो समय मन्दिरमा भीड लाग्दा सवारी पार्किङ गर्न कठीन भएको छ । आजकल हामीले व्यक्तिको खेतमा गाडी राख्नु परेको उनको भनाई छ ।
कार्कीका अनसार मन्दिरमा दिनभरिनै दर्शनार्थीहरु दर्शन गर्न आइ नै रहन्छन् । दिनभर भजन गुञ्जिन्छ ।
गणेश, शिव,रामसिता सप्तऋषि, मुक्तिनाथ, भुदेवि र श्रीदेविको मूर्ति स्थापना गरिएको छ । मन्दिरसँगै १ सय ८ धारा पनि राखिएको छ ।

२०७४ सालमा भुवन व्यासद्वारा सप्ताह महायज्ञ आयोजना गरेर २९ लाख पचास हजार उठेपछि यहाँ मुक्तिनाथ धाम निर्माण गरिएको स्थानीय रमेश केसीले बताए ।
मन्दिर निर्मार्ण गर्न विभिन्न निकाय र दावविर दाताहरुको सहयोगमा १ करोड ३८ लाख रुपैयाँमा यो मन्दिर निर्माण गरिएको हो ।
मुक्तिनाथ दर्शन गर्न जान नसक्नेहरुका लागि यो धाम प्रख्यात हुँदै आएको छ । केसीका अनुसार यहाँ पिकनिक स्पट, कागबेनीको मन्दिर निर्माण गर्ने योजना छ ।
जुजुभाई महर्जनले पसल गरेर बस्ने यस ठाँउमा गणेशको मन्दिर बनाएको इतिहास छ । पछि आएर यहाँ पशुपनि नाथ मन्दिर राम सिता र सप्तऋषिको मन्दिर स्थापना गरिएको थियो ।

५० बर्षअघि ढुंगेसाँघु यस क्षेत्रको व्यापारिक केन्द्र रहेका रमेश बताउछन् । उनका अनुसार यही बाटो हुँदै काभ्रे, भक्तपुर,सिन्धुपाल्चोकलगायत ठाँउबाट दक्षिणतर्फ हेटौडा प्रवेश मार्गसमेत थियो ।
२०७२ सालमा सयै स्थानमा तातो ढुंगा भेटेपछि नागको मूर्ति स्थापना गरिएको केसी बताउछन् ।
मन्दिर बनाउन २ वर्ष लागेको ढुंगासाधु टोलसुधार समितकिा अध्यक्ष कार्की बताउछन् ।
यस क्षेत्रमा ठूला ढुंगा पाइन्छन् । कृष्ण मन्दिर बनाउदा यहाँको ढुंगा लागेको जनश्रृती रहेको उनले स्मरण सुनाए । विशंखु नारायणको थान नजिकै रहेका गायत्री कुण्डबाट बग्ने गोमती नदिमा ऐतिहासिक ठूलो ढुंगाको साँघु थियो । त्यो ढुंगा ९० सालको भुकम्पले खसेको र काठको साँघु राखिएको थियो । पछिल्लो समय यो ढुंगा संरक्षणका लागि पुलमा राखिएको छ ।

मन्दिरलाई मदि कटानबाट जोगाउन पर्खाल लगाउन, आगन्तुकलाई दिभर भुलाउन पिकनिक स्थल बनाउन र पार्किङ स्थल बनाृने योजना विस्तारै अधि बढ्ने केसी बताउछन् ।
मन्दिर बनेपछि ढुंगेसाँघु परिवर्तन
मुक्तिनाथ धाम निर्माणपछि ढुंगेसाँघुको जनजीवनमा मै परिवर्तन आउन थालेको कार्की बताउछन् । उनी भन्छन्, ‘मन्दिर चालु भएको एक वर्षका यहाँ ८÷१० वटा पसल चल्न थालेका छन् । पहिले एउटा पसल मुस्किलले चल्थ्यो’
उनका अनुसार मन्दिर आपपास पुजा पसल र अन्य फुटपाथका सामान बेच्ने क्रम सुरु भएको छ । मन्दिरका कारणले गाँउहरुले आफै व्यावसायी बन्ने अवसरपाउन थालेका छन् । काम खोज्न अन्त जानुपर्ने अवस्था छैन ।
आन्तरिक पर्यटकहरुको आर्कषणसँगै गाँउमा होमस्टे, होटलको जरुरी महसुस हुन थालेको छ । उनले भने, ‘राती कोही आएर बास बस्ने ठाँउ सोधे डाँडातिरको रिसोर्ट देखाउनु परेको छ ।’

कसरी जाने
ढुंगेसाघु जान लगनखेलबाट गोदामचौर जाने बससमात्न सकिन्छ । सातदोबाटोबाट हात्तिबन, हरिसिद्धि,ठैव,बाडेगाँउ हुँदै गोदाम चौर निस्केर आफ्नै सवारीसाधन हुनेहरु जान सक्छन् । गोदामचौर मुख्य चोकबाट केही तल मोटरबाटो हुँदै झरेपछि ढुंगे साँघु स्वागत द्वार भेटिन्छ । यही स्वागत द्वारबाट ओरोलो मोटरबाटो ५ सय मिट तल पुगेपछि ढुंगेसाघु गाँउ भेटिन्छ । यही ठाँउ नजिक गोमती नदिको किनारमा मुक्तिनाथ मन्दिर र १ सय ८ ढुंगेधारा देख्न सकिन्छ ।