ललितपुरबाट जुवा खेलेको आरोपमा २५ जना पक्राउ

१८ फागुन ०७८, ललितपुर । जुवा खेलेको आरोपमा प्रहरीले ललितपुरबाट २५ जनालाई पक्राउ गरेको छ।

महानगरीय प्रहरी परिसरका प्रवक्ता प्रहरी उपरीक्षक शिद्दीबिक्रम शाहका अनुसार जुवा खेल्दै गरेको अवस्थामा २५ जनालाई पक्राउ गरिएको हो।

मंगलबार राति महालक्ष्मी नगरपालिका–४ ओचुहाइटस्थित बिनोदकुमार श्रेष्ठले संचालन गरेको ओचु ब्याडमिन्टन क्लब रहेको घरबाट उनीहरूलाई पक्राउ गरेको हो।

उनीहरूबाट प्रहरीले ४ लाख २९ हजार ५९० रुपैयाँ बरामद गरेको छ। त्यस्तै ३० बुक तास पनि बरामद गरेको छ।