मध्यबानेश्वरमा मोटरसाइकलबाट एक महिलाको सुनको सिक्री लुटेर फरार

११ चैत ०७८, काठमाडौं । काठमाडौंको मध्यबानेश्वरमा मोटरसाइकलमा आएका दुई जना अपरिचित युवाहरुले एक महिलाको सुनको सिक्रि लुटेर भागेका छन् ।
प्रहरीका अनुसार
काठमाडौं महानगरपालिका १० मध्यबानेश्वर प्राचिन मार्ग बस्ने ६४ वर्षीया महिलाको करिब २ तोलाको सुनको सिक्री बिहीबार लुटपाट भएको हो ।
यसै ठाउँस्थित सडकमा कालो रातो रङको पल्सर मोटरसाइकलमा आएका २ जना अपरिचित व्यक्तिहरुले ती महिलाले घाँटीमा लगाएको सिक्री लुटेका थिए र लुटपातपछि महानगरीय प्रहरी वृत्त नयाँबानेश्वरबाट खटिएको प्रहरीले संलग्न व्यक्तिहरुको खोजी गर्नुका साथै चोरीका सम्बन्धमा थप अनुसन्धान गरिरहेको जानकारी दिएको छ ।