सिन्धुपाल्चोकमा बुद्ध मूर्ति तोडफोड

११ चैत्र ०७८, सिन्धुपाल्चोक। सिन्धुपाल्चोक मुन्थलामा बुद्धको मूर्ति तोडफोड भएको छ। जुगल गाउँपालिका ७ याङ्लाकोटको मुन्थलामा निर्माणाधीन पार्कमा राखिएको बुद्धको मूर्ति तोडफोड भएको हो ।

बुधबार राति अज्ञात समूहले बुद्धको मूर्ति तोडफोड गरेको वडा नम्बर ७ का अध्यक्ष दिलकुमार लामाले बताएका छन् ।

पार्कले पूर्ण रूप नलिँदै अज्ञात समूहले रिसिइबीका कारण तोडफोड गरेको हुनसक्ने बताएका छन्। उनले प्रहरीले घटनाबारे अनुसन्धान गरिरहेको बताए।