ललितपुरको लेलेलाई खानी क्षेत्रमा बर्गीकरण गरेको भन्दै बहुमत पार्टीको विरोध

ललितपुर खबर
७ पुस ०७९, ललितपुर । ललितपुरको लेलेको महादेव खोला क्षेत्रलाई गोदावरी नगरपालिकाले खानी क्षेत्रमा बर्गीकरण गरेसँगै विरोधको स्वर बढ्न थालेको छ ।
गोदावरी नगरपालिकाले यस क्षेत्रलाई खानी क्षेत्रमा बर्गीकरण गरेपछि स्थानीयबासीले विरोध गर्दै पालिकालगायत सरोकार निकायमा हस्ताक्षर बुझाएका थिए ।
यस क्षेत्रमा सञ्चालित युनाइटेड सिमेन्टको ढुंगा खानीका कारण लेलेबासीको खानेपानीको मुहान सुक्दै गएको र जलचर क्षेत्र मासिदै गएर पर्यावरणमा असर पुगेको र खेती योग्न जमिन बगरमा परिणत हुने आवस्था आएको भन्दै स्थानीयबासी आन्दोलित भएका छन् ।
नेकपा बहुमतका ललितपुर इञ्चार्ज कुमार सिलवालद्वारा हस्ताक्षरित विज्ञप्तीमा लेले बासीलाई निर्णयविरुद्ध जनसंर्घषमा उत्रन अपिल गरिएको छ । विज्ञप्तीमा सिमित दलाल र तस्करहरुको प्रकृतिक श्रोत र साधनको दाहन गरेको आरोप लगाइएको छ । पार्टीले तत्काल निर्णय सच्चयाउन भनेको छ ।
नेकपा बहुमत पार्टी भर्खरै नेपाल कम्युनिष्ट पार्टी(विप्लव)बाट फुटेर धमेन्द्र बस्तोला संयोजकत्वमा बनेको पार्टी हो ।