नल्लु तिप्चे सडक मर्मत नगरे बन्द गरिदिने स्थानीयहरुको चेतावनी

ललितपुर खबर
८ फागुन । दक्षिण ललितपुरको नल्लु तिप्चे भञ्ज्याङ सडक मर्मत गर्न गाँउपालिकाले सहयोग नगरे सडक बन्द गर्ने स्थानीयहरुले चेतावनी दिएका छन् । स्थानीयहरुले सडक मर्मतको माग गर्ने गाँउपालिका गुहारेका छन् ।
यस मोटर बाटोको अवस्था निकै नाजुक भएको र कुनै पनि बेला दुर्घटनाको दुखद घटना हुनसक्ने उनीहरुको भनाई छ ।
स्थानीयहरुले कोन्ज्योसोम गाउपालिकाका अध्यक्ष कृष्णमान लामा, उपाध्यक्ष राजन प्रसाद घिमिरे, गाउँपालिका प्रमुख प्रशासकिय अधिकृत टेकबहादुर बुढा थापा र वडाध्यक्षसँग छलफल भएको हो ।
६३ जना स्थानीयले सडक मर्मतमा गाँउपालिकाले नसघाएर आफूहरुले सडक बन्द गर्ने धम्की दिएका छन् । सडकको खाल्टा पुर्नुपर्ने र पानी बग्ने कुलेसो निर्माण गर्नुपर्ने उनीहरुको माग छ ।
पालिका अध्यक्ष लामाले आफूले चाडै सडक मर्मतको काम गर्ने आश्वासन दिएर फर्काएका छन् ।