लपु संवाददाता
![](https://i2.wp.com/www.lalitpurkhabar.com/wp-content/uploads/2019/05/old-man-1.jpg?fit=720%2C473&ssl=1)
२१ वैशाख ०७५,पाटनढेका । ललितपुर महानगरस्थित वडा नं. १६ ले पाटनका ७७ बर्षदेखि १०२ वर्ष सम्मका २ सय ३८ जनालाई एकसाथ सम्मान गरेको छ । शुक्रबार पाटनस्थित अशोक हलमा आयोजित कार्यक्रममा सहभागी महानगरका मेयर चिरीबाबु महर्जनले नगरिकहरुलाई माला लगाइदिएका थिए भने वडाध्यक्ष निर्मलरत्न शाक्यले दोसल्ला ओढाए । १६ नं. वडाध्यक्ष शाक्यले सम्मानसँगै साँगितिक ज्ञानमाला भजन, बुद्ध भजन, धार्मिक प्रवचन र धार्मिक ग्रन्थ पाठ गरिएकोे जानकारी दिए । उनले भने,‘कार्यक्रममा सहभागी जेष्ठ नागरिकलाई भोजनसँगै विविध मनोरञ्जनात्मक कार्यक्रम आयोजना गरिएकोछ ।’
![](https://i0.wp.com/www.lalitpurkhabar.com/wp-content/uploads/2019/05/old-man-2.jpg?fit=720%2C426&ssl=1)
नेवारी परम्परा अनुसार ७७ वर्षमा पहिलो जंकु हुन्छ । दोश्रो जंकु भने ८२ वर्षमा गरिन्छ । नेवारी परम्परा अनुसार दोश्रो जंकु ८८ वर्षमा गरिन्छ । कार्यक्रममा ललितपुर महानगरपालिकाका पूर्वप्रमुख एवं पूर्वमन्त्री समेत भइसकेका बुद्धिराज बज्राचार्यलाई पनि सम्मानित गरिएको थियो । अन्य सम्माननित हुने हरुमा ९८ वर्षीय तुलसी बहादुर श्रेष्ठ, गणेश बहादुर शाक्य, र सय वर्षीया महिला तुलसीमाया श्रेष्ठलगायत २ सय ३८ जना जेष्ट नागरिकहरुलाई सम्मान गरिएको थियो ।
प्रतिक्रिया