भट्टेडाँडामा गाडी दुर्घटना

लपु संवाददाता
२० असार ०७६, ललितपुर । भट्टेडाँडामा मिनि टाटा दुर्घटनामा परेको छ । विहान ८ वजेतिर भैसेबाट तीनपाने तर्फ आइरहेको गाडी खावा भन्ने ठाँउमा दुर्घटनामा परेको बताइएको छ ।
चालक सहित गाडीमा रहेका सबै जना सकुशल छन् । गाडी पछाडि हट्न थाले हाम फालेर ज्यान बचाएका हुन् ।
गाडी भने २ सय मिटर तल भीरमा पुगेर अड्केको छ । स्थानीय भोम्जनले गाडी डोरीले बाँधेर राखेको बताए । उनका अनुसार गाडी क्षतविक्षत छ ।
चालकको भनाई उदृत गर्दै स्थानीय मनलाल भोम्जनले भने,‘उकालो बाटोमा चिप्लेर गाडी दुर्घटनामा परेको हो ।’ चालकले गाडीको स्टेरिङ्ग लक भएपछि घुम्ती काट्न नसक्दा गाडी चिप्लेको वताएका हुन् ।