गोदावरी नगरको चियापान

१६ असोज ०७६, बज्रवाराही । दशै, तिहार र छठलगायतका पर्वहरुको अवसर पारेर गोदावरी नगरपालिकाले चियापान कार्यक्रमको आयोजना गरेको छ । चियापान कार्यक्रममा मेयर गजेन्द्र महर्जन र उपमेयर मुनाअधिकारीले आगन्तुकहरुलाई स्वागत गरे ।

बिहीबार बिहान प्रतिनिधिसभा सदस्य नवराज सिलवाल , प्रदेशसभा सदस्यहरु चेतनाथ सञ्जेल, लालकुमारी पुन, सहायक प्रमुख जिल्ला अधिकारी खिमलाल भूषाल, पूर्वअर्थराज्यमन्त्री उदयसमशेर राणालगायत जनप्रतिनिधि र कर्मचारीहरु चियापानमा सहभागी भएका थिए ।
कार्यक्रममा बोल्दै नगरप्रमुख महर्जनले नेपालीहरुको दशैं लगायत पर्वको अवसरमा सबैलाई शुभकामना दिएका थिए । कार्यक्रममा दूध चिया,कालो चिया र विस्कुट खुवाइएको थियो ।