२ असार २०८१, शनिबार | Sat Jun 15 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

स्थानीय समाचार


प्राकृतिक संकटबारे शिक्षा दिन खुल्यो डिजास्टर सेन्दर


१७ मंसिर २०७६, मंगलबार  

0
Shares

सेन्टरको उद्घाटन गर्दै मेयर चिरिबाबुलगायत ।

१७ मंसिर ०७६,ललितपुर । प्राकृतिक प्रकापको जोखिमबारे जानकारी दिन सीपं ललितपुरको चाकुपाटमा ‘मित्र डिजास्टर रिस्क रिडक्सन लर्निङ सेन्टर’ आइतबारबाट खुलेको छ ।
संभवत नेपालकै पहिलो यस केन्द्रको आइतबार नेपालका लागि जापानका राजदुत मासामिची साइगो, ललितपुर महानगरपालिकाका प्रमुख चिरीबाबु महर्जन र उपप्रमुख गीता सत्यालले संयुक्त रुपमा उद्घाटन गरेका हुन् ।
यस केन्द्रमा प्रकोपको पूर्व तयारी, प्रकोपमा हुने क्षतिबारे जोगिने उपायका बारे जानकारी पाउन सकिन्छ । नेपालमा हालसम्म भएका मुख्य प्रकोपको इतिहास, तिनले पु¥याएको क्षतिको बारेमा समेत केन्द्रले जानकारी हुनेछ । नेपालमा भइरहने प्रकोपहरु भूकम्प, बाढी पहिरो , आँधी हुरी , आगलागी बारेमा केन्द्रबाट धेरै जानकारी दिइने बताइएको छ । प्रकोपका बेला घाइते भएकाहरुको तत्काल उपचार गर्ने सीप समेत सिकाइन्छ ।
सोमबार , मंगलबार, बिहीबार र शुक्रवार गरी उक्त केन्द्र हाललाई साताको चार दिन खोलिनेछ ।
केन्द्रको उद्घाटन कार्यक्रममा राजदुतले यो केन्द्रले नेपालमा आउन सक्ने प्रकोपबाट जोगिन र त्यसले पु¥याउने क्षति कम गर्न महत्वपूर्ण भूमिका निर्वाह गर्ने बताए ।
ललितपुर महानगरपालिका प्रमुख चिरीबाबु महर्जनले प्रकोपको क्षति न्यूनीकरण गर्न पूर्व तयारी आवश्यक रहेको बताए । केन्द्रको निर्माण पुर्व तयारीको महत्वपूर्ण पक्ष भएको बताउँदै उनले भने, ‘ महानगरस्तरीय र वडा स्तरीय विपद् व्यवस्थापन कोष खडा गरेका छौं , यो हामीले गरेको पूर्व तयारी हो, कुनै प्रकोप भइहाले, पैसा नभएर उपचार नहुने अवस्था नहोस्् भन्ने हो । ’
एसिया प्रशान्त क्षेत्रका सहरहरु र सरोकारवाला निकायहरुको संजाल सिटीनेट, जाइका, प्लस आर्ट र तोसिबा फाउण्डेसनकोे सहयोगमा निर्माण भएको उक्त केन्द्रमा विद्यार्थी, शिक्षक र समुदायलाई प्राथमिकता दिइने केन्द्रका व्यवस्थापक दीपक मरहठ्ठाले जानकारी दिए ।
कार्यक्रममा प्लस आर्टका प्रमुख हिरोकाजु नागाताले जापानले कोबेको भुकम्पबाट पूर्वतयारी, जोखिम न्यूनीकरणको बारेमा धेरै सिकेको बताए । उनले विद्यार्थीहरुबाट पूर्व तयारी र जोखिम न्यूनीकरणका बारेमा प्रवाह गरिने सन्देश प्रभावकारी भएको बताए ।

प्रकाशित मिति : १७ मंसिर २०७६, मंगलबार  ८ : २६ बजे