ललितपुरमा सडक विस्तारका क्रममा शुक्रबार बत्ती जाने

१६ असोज ०७७, ललितपुर । सडक विस्तारका क्रममा पोल सार्नु पर्ने भएकाले दिनभर शुक्रबार विद्युत् काटिने भएको छ । विद्युत्का पोलले राजधानीमा सडक विस्तारका क्रममा बाधा पुगेको हुनाले विद्युत्को पोल सारेर काम गर्नु पर्ने हुँदा विद्युत् अवरुद्ध हुने भएको हो ।
नेपाल विद्युत् प्राधिकरण ललितपुरका अनुसार लुभु लामाटार सडक विस्तार, इमाडोल सप्तखेल, च्यासल सडक, टुरिष्ट बसपार्क च्यासल र जावलाखेल दमकल अगाडिको फिडरबाट बत्ती काटिन लागेको हो ।
सडक विस्तारका क्रममा सडकको पोल सानुपर्ने भएकाले विहान ११ बजेदेखि ३ बजेर ३० मिनेटसम्म लुभु र इमाडोल फिडरबाट बत्ती निमाइनेछ भने सप्तखेल च्यासल सडक विस्तारका लागि पाटन च्यासल फिडरको विजुली विहान १० बजेदेखि दिउसो ४ बजेसम्म निमाइनेछ । पाटन दलकल अगाडि फुटपाथ विस्तारकाा लागि सडक मर्मत गनुपर्ने भएकाले विहान ८ बजेदेखि ११ बजेसम्म नै जानेछ ।
राजधानीका सडक विस्तारका लागि विद्युत्का पोल सार्न पर्ने भएकाले बेला बेलामा विद्युत् काटेर काम गर्नु पर्ने भएकाले विद्युत् अवरोध हुने गरेको प्राधिकरणले जानकारी दिएको छ ।