काभ्रेको भकुण्डेमा ढुंगा लोड गर्ने युवकलाई स्काइभेटरले ठक्कर दिएपछि मृत्यु

५ वैशाख ०७७,काभ्रे । काभ्रेको भकुण्डेमा स्काईभेटरको ठक्करबाट उक जनाको मृत्यु भएको छ । प्रहरीका अनुसार नमोबुद्ध नगरपालिका ७ स्थित भकुण्डेबाट दाप्चा जाने भित्री सडकको खोलाको साईडमा ढुङगा लोड गर्ने क्रममा ती युवकको मृत्यु भएको हो । स्काईभेटरको ठक्करबाट यसै नगरपालिकाको साईडमा काम गर्ने नमोबुद्ध नगरपालिका ७ बस्ने ३३ वर्षीय प्रकाश खनालको शनिबार बिहान मृत्यु भएको हो ।
ठक्करबाट गम्भीर घाइते भएका उनको उपचारको लागि धुलिखेल अस्पतालतर्फ लैजाने क्रममा बाटोमै मृत्यु भएको प्रहरीको भनाई छ । स्काईभेटर अपरेटरलाई प्रहरीले नियन्त्रणमा लिएको बताइएको छ ।