ललितपुरका सिडिओलाई कोरोना संक्रमण

२१ वैशाख ०७८, ललितपुर । ललितपुरका प्रमुख जिल्ला अधिकारी ढुण्डीप्रसाद निरौलालाई कोरोना संक्रमण पुष्टि भएको छ।
उनले आफूलाई कोरोना संक्रमण पुष्टि भएको बताएका छन् । उनी अहिले आफ्नै निवासको आइसोलेसनमा बसिरहेका छन् ।
सामान्य खोकी लागेर पिसिआर परीक्षण गराउँदा कोरोना पुष्टि भएको हो ।
मंगलबार काठमाडौं उपत्यकाका तीनवटै जिल्लाका प्रमुख जिल्ला अधिकारीहरू बैठक बस्न लागेको छ।

निषेधाज्ञा एक साता लम्ब्याउन प्रजिअहरू बैठक बस्न लागेका हुन्। बैठकमा ललितपुरका सहायक प्रजिअ ललितकुमार बस्नेत सहभागी हुनेछन् ।