दक्षिण ललितपुरको कोञ्ज्योसोममा कोरोना नियन्त्रणको लागि सर्वदलीय समिती

ललितपुर खबर
१ जेठ ०७८, ललितपुर । दक्षिण ललितपुरको कोञ्ज्योसोम गाँउपालिकाले कोरोना नियन्त्रण तथा रोकथामका लागि सर्वदलीय समिती बनाएको छ ।
गाँउपालिकामा विहीबार बसेको बैठकले गाँउपालिकाका अध्यक्ष गोपिलाल सिंतानको संयोजकत्वमा १२ सदस्यीय समिती निर्माण गरेको पालिका अध्यक्ष सिंतानले ललितपुर खबरलाई बताएका छन् ।
समितीमा एमाले प्रतिनिधि कृष्णमान लामा,नेपाली काँग्रेसका राजनप्रसाद घिमिरे,नेकपा केन्द्रका राजेन्द्र मोक्तान,राप्रपाका विक्रम लामा रहेका छन् ।
समितीको सदस्यहरुमा उपाध्यक्ष मिङ्मा लामा वडाध्यक्षहरु ध्रुवप्रसाद घिमिरे,तिलक बोम्जन,तीर्थबहादुर घलान,सन्तलाल लामा र सविन्द्र तामाङ छन् ।
समितीका सदस्य सचिवका रुपमा विकाश शर्मा रिजाल छन् ।
गाँउपालिकाका अध्यक्ष सिंतानले कोरोना माहामारीसँग लड्न सामुहिक प्रयास जरुरी रहेको देखेर आफूले सर्वदलीय सर्वपक्षिय संयन्त्र बनाएर कोरोना विरुद्ध लड्न लागेको बताए । उनले भने, ‘अब हामी गाँउपालिकामा कोरोना परिक्षण सुरु गर्छौं । अनि कोरोना संक्रमितहरको व्यवस्थित उपचार गर्नेर्छौं ।’
अध्यक्ष सिंतानले चौघरेस्थित पुरानो पालिका कार्यालयमा आइसोलेसन सेन्टर निर्माण गरेर कोरोना संक्रमितहरुको उपचार सुरु गरिसकेको बताए ।
कोञ्ज्योसोम गाँउपालिकामा अहिलेसम्म ७ जना संक्रमित फेला परेको सिंतानको भनाई छ ।