महाकाल गाँउपालिकामा ३७ जनामा कोरोना संक्रमण

४ जेठ ०७८, ललितपुर । महाँकाल गाँउपालिकामा अहिलेसम्म ३७ जनामा कोरोना संक्रमण भेटिएका छन् । गाँउपालिकाको मानिखेल अस्पताल र गोटिखेल स्वास्थ्य चौकीमा गरिएको एण्टिजेन परिक्षणपछि अहिलेसम्म २७ जना संक्रमित फेला परेको गाँउपालिकाकी उपध्यक्ष कमला तामाङले जानकारी दिइन् । यस पालिकामा जम्मा १५७ जनाको परिक्षणपछि यो नजिता आएको हो ।
गाँउपालिकाको बुखेल (१) र चन्दनपुर(५)मा अहिले कोरोनाका संक्रिय संक्रमित छैनन् भने मानिखेल(२) १३ जनागोटिखेल(३) १२ जना,कालेश्वर(४)१२ जना र ठूलादुलुङ(६) १ जना रहेको गाँउपालिकाले जानकारी दिएको छ ।
अहिले मानिखेल अस्पतालमा १ जना कोरोना संक्रमित उपचाररत छन् भने अन्य विरामी होम आइसोलेशनमै रहेको गाँउपालिकाले जानकारी दिएको छ ।
अहिलेसम्म यस गाँउपालिकाभित्र कोराना संक्रमणपछि १ जनाको मृत्यु भइसकेको छ ।