ललितपुरमा तीन दिनमै २८ हजारभन्दा धेरैले लगाए कोरोना खोप

ललितपुर खबर
६ जेठ ०७८, ललितपुर । ललितपुरमा दुई दिनभित्र २८ हजार ३३४ जनाले चीन सरकारद्वारा प्राप्त भएको कोरोना भेरोसेल दोश्रो खोप दिइएको छ ।
स्वास्थ्य कार्यालय ललितपुरका अनुसार विहीबार, शुक्रबार र ललितपुरका ३ वटै नगरपालिकाका विभिन्न खोप केन्द्रहरुको तथ्याङ्क संकलनपछि यो संख्यामा कोरोनाको खोप लगाएको पाइएको हो ।
विहीबार मात्र ८ हजार ३६ जनाले खोप लगाएका थिए । शुक्रबार ९ हजार७४६ सय जनाले लगाएका थिए भने आइतबार १० हजार ५५३ जनाले यो खोप लगाएका हुन् ।
कार्यालयका अनुसार अहिलेसम्म ललितपुर महानगरका नागरिकहरुले , गोदावरी नगरमा र महालक्ष्मी नगरमा जनाले कोरोना खोप लगाएका छन् ।
स्वास्थ्य कार्यालयले विहीबारबाट कोरोना खोपको दोश्रो मात्रा ललितपुरका तीनै वटा नगरपालिकामा सञ्चालन गरेको थियो ।
आजसम्म ललितपुर महानगरमा १६ हजार ३०४ जना, गोदावरीमा ४ हजार ६२७ जना र महालक्ष्मी नगरमा ७ हजार ४१३ जनाले यो खोपको दोश्रो मात्रा लगाइसकेका छन् ।
गोदावरी नगरपालिकाले आनन्दवन अस्पताल, बज्रवाराही चापागाँउ अस्पताल र बाँडेगाँउ प्राथमिक स्पास्थ्य केन्द्रमा खोप दिने व्यवस्था मिलाएको थियो । महालक्ष्मी नगरपालिकाले विभिन्न १५ ठाँउमा खोप केन्द्र तोकेको थियो भने महानगरले विभिन्न २९ वटा केन्द्र तोकेर खोप लगाउने व्यवस्था गरेको थियो ।
दक्षिण ललितपुरका महाकाल, वागमती र कोञ्ज्योसोम गाँउपालिकामा स्थानीय बासिन्दालाई भने कोरोना खोप लगाउने व्यवस्था अहिलेसम्म गरिएको छैन ।