गोदावरीका सबै वडामा लगाइदैछ चिनियाँ कोरोना खोप

ललितपुर खबर
२२ जेठ ०७८,चापागाँउ । गोदावरी नगरले सबै वडाका ६० बर्षदेखि ६४ बर्ष उमेरसम्मका बासिन्दालाई कोरोना खोप दिने भएको छ । यही जेठ २५ गते नगरका हरेक वडाका स्वास्थ्य केन्द्रमा चिनियाँ खोप लगाउने कार्यक्रम रहेको नगरका प्रवक्ता मिलन सिलवालले ललितपुर खबरलाई बताए ।
खोप लगाउनका लागि नागरित्ता वा उमेर खुल्ने सरकारी कागजात लिएर खोप केन्द्र जानु पर्ने सिलवालले बताए । भने, ‘नभए वडाको सिफारिस भए पनि हुन्छ ।’
स्वास्थ्य केन्द्रमा खोप लगाउन विहान १० बजेदेखि ३ बजेसम्म खोप लगाउने कार्यक्रम राखिएको छ । स्वाथ्य केन्द्रमा कोरोना लागेका संक्रमित विरामीलाई निषेध गरिएको छ । खोप लगाएपछि ३० मिनेट बस्नु पर्ने र भौतिक दुरी कायम गर्नु पर्ने नियम लगाइएको छ ।

हेर्नुस् सूचना