ललितपुर खबर
३१ जेठ ०७८, ठेचो ललितपुर । आइतबार साँझ ललितपुरको ठेचो (धापाखेल दोवाटो)मा वा ९६ प ५८६७ नम्बरको एनएस २०० पल्सर मोटरसाइकल दुर्घटना हुँदा २ जना गम्भिर घाइते भएका छन् ।
सातदोवाटोतर्फबाट तिब्र गतिमा आएको मोटरसाइकललाई वा५ च ४५३६ नम्बरको डिआइ पिकअपले ठक्कर दिदा गोदावरी १० झल्यालुण्टार बस्ने २९ वर्षका राजु नेपाली र निजको भाञ्जी १४ वर्षकी शोभा नेपाली गम्भिर घाइते भएको महानगरिय प्रहरी वृत्त चापागाँउले जानकारी दिएको छ ।
प्रहरीका अनुसार घाइतेह राजु नेपालीको दाया हात र खुट्टामा चोट लागेको छ भने शोभाको खुट्टा र हातमा चोट लागेको छ ।
घाइतेहरुलाई तत्काल एम्बुलेन्स बोलाई धापाखेलस्थित किष्ट अस्पताल लगिएको छ ।
मोटरसाइकललाई ठक्टर दिने ललितपुर कुमारी पाटीको युनाइटेड स्कूलको २४ वर्षिय ललन घलानलाई प्रहरीले नियन्त्रणमा लिई अनुसन्धान सुरु गरेको जानकारी दिएको छ । दुर्घटनाका क्रममा मोटरसाइकल चालक राजु नेपाली र शोभा नेपाली नालीमा लडेका थिए । चालक नेपालीको हातबाट अत्याधि रक्तश्राप भएको छ ।
चालक नेपालीले विपरित दिशाबाट अत्याधिक गतिमा पिकअप आएपछि आफूले मोटरसाइकलको नियन्त्रण गुमाएको बताए । उनले भने पानी परिरहेको थियो । म जाने दिशामा गाडी आइरहेको थियो । त्यसैले त्यसैले मोटरसाइकल नालीमा ढल्यो ।
प्रतिक्रिया