वल्खुमा टिपरको ठक्करबाट युवकको मृत्यु, टिपर फरार

६ असार ०७८,काठमाडौं । काठमाडौंको बल्खुमा एक टिपरले २ जनालाई ठक्कर दिएर फरार भएको छ । प्रहरीका अनुसार टिपरको ठक्कर दिदा बल्खुकै बयोधा अस्पतालमा उपचारका क्रममा काठमाडौं स्युचाटार बस्ने खोटाङ घर भएका ३८ वर्षीय कमल भुजेलको मृत्यु भएको छ  भने अरु १ जनाको यसै अस्पतालमा उपचार भइरहेको छ ।
काठमाडौं महानगरपालिका १४ बल्खुस्थित सडकमा नम्बर नखुलेको टिपरले बा.७५ प ८८५६ नम्बरको मोटरसाइकललाई शनिबार राति ठक्कर दिएको प्रहरीको भनाई छ ।
ठक्कर दिए लगत्तै फरार रहेका टिपर चालकको प्रहरीले खोजी गरिरहेको जानकारी दिएको छ ।