न्यूरोडमा ८ वर्षीया बालिका बलात्कृत

१३ असार ०७८, काठमाडौं ।  काठमाडौं न्यूरोडमा पार्किङ गरेर राखेको गाडीको आडमा एक बालिका बलात्कृत भएकी छिन्। काठमाडौं महानगरपालिका-२३ जुद्धशालिक धर्मपथस्थित पुरानो नगरपालिकाको खाली जग्गामा पार्किङ गरेर राखेको गाडीको आडमा शनिबार बालिका बलात्कृत भएकी हुन्।

बलात्कारको आरोपमा वृत्त जनसेवाबाट खटिएको प्रहरी टोलीले धादिङ धुनिवेशी नगरपालिका–१ घर भएका ३५ वर्षीय सूर्य तामाङलाई पक्राउ गरेको छ। तामाङविरुद्ध जबरजस्ती करणको कसूरमा म्याद लिएर अनुसन्धान सुरु गरिएको वृत्त जनसेवाले जानकारी दिएको छ।