बर्षापछि दक्षिण ललितपुरको माल्टा,घुसेल र शंखु सडक अवरुद्ध

१७ असार ०७८, चापागाँउ । । बुधबार साँझपछि परेको निरन्तरको बर्षापछि दक्षिण ललितपुरको माल्टा, घुसेल,शंखु, गिम्दी लगायतका सडक अवरुद्ध भएको छ ।
ललितपुर प्रहरीका अनुसार टिकाभैरवबाट बुरुञ्चुली हुँदै देविचौर घुसेल जाने सडक पहिरोका कारण अवरुद्ध भएको छ । दक्षिण ललितपुरकै दलचोेकी शंखु,त्रिखण्डी माल्टा र बगुवा गिम्दी सडक पनि पहिरोका कारण अवरुद्ध छ ।
राजधानीबाट तराईजाने छोटो बाटोको रुपमा परिचित कान्ति लोकपथ समेत पहिरो गएपछि विहीबार विहानदेखि अवरुद्ध छ । भटेटेडाँडा प्रहरी चौकीले दिएको जानकारी अनुसार बगुवानजिकै पाङ्दुर, भालुखोलार देविस्थानमा पहिरो गएको छ ।
पहिरोका कारण विहीबार विहान दक्षिण ललितपुरको दूध लगायत खाद्यान्न र तरकारी चापागाँउ बजार ल्याउन नससकिएको प्रहरीको भनाई छ ।
दक्षिण ललितपुरमा लुकुने बेशी, प्युटार, घुसेल, माल्टा, भालुखोला, देबिस्थानमा पहिरो गएको हो ।