काठमाडौंको चन्द्रागिरी, फुटुङ्ग र विजेश्वरीमा जुवातास खेल्ने २० जना पक्राउ

२० असार ०७८, काठमाडौं । काठमाडौंको फुटुङ्ग,विजेश्व्री र चन्द्रगिरीमा जुवा तास खेल्दै गरेको अवस्थामा २० जना पक्राउ परेका छन् । काठमाडौं प्रहरीका अनुसार काठमाडौंको तारकेश्वर नगरपालिका ७ फुटुङ्गस्थित लालबहादुर ताङ्गको कुखुरा फर्ममा तास खेलिरहेको अवस्थामा यसै ठाउँ बस्ने ४४ वर्षीय हरिलाल राजबा लगायत ११ जनालाई शनिबार साँझ प्रहरीले पक्राउ गरेको छ ।
यस फर्ममा अबैध रुपमा जुवातास खेलिरहेको छ भन्ने सूचनाको आधारमा महानगरीय प्रहरी बृत्त बालाजुबाट खटिएको प्रहरीले उनीहरुलाई नगद ४४ हजार ८ सय ५५ रुपैयाँ र तास सहित पक्राउ गरेको हो ।
काठमाडौंको चन्द्रागिरी नगरपालिका ३ बस्ने कमल थापाको घरमा तास खेलिरहेको अवस्थामा सोही नगरपालिका १ दहचोक बस्ने ३६ वर्षीय किशोर बखतीलगायत ६ जनालाई शनिबार दिउँसो प्रहरीले पक्राउ गरेको छ । उनको घरमा जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त थानकोटबाट खटिएको प्रहरीले नगद ५० हजार ७० रुपैयाँ र ३ बुक तास सहित उनीहरूलाई पक्राउ गरेको हो ।
काठमाडौं महानगरपालिका १५ बिजेश्वरी स्थित घरमा तास खेलिरहेको अवस्थामा सोही ठाउँ बस्ने ५३ वर्षीय कर्मा गुरुङ्ग लगायत ३ जनालाई शनिबार साँझ प्रहरीले पक्राउ गरेको छ । उक्त घरमा तास खेलिरहेको भन्ने खबर प्राप्त हुनासाथ महानगरीय प्रहरी वृत्त स्वयम्भूबाट खटिएको प्रहरीले उनीहरुलाई नगद २२ हजार १ सय ३० रुपैयाँ र १२ बुक तास सहित पक्राउ गरेको हो ।