मण्डनदेउपुरमा भौतिक रुपमा विद्यालय सञ्चालन

१० साउन ०७८, काभ्रे । काभ्रेको मण्डनदेउपुर नगरपालिकाले भौतिक रुपमा विद्यालय सञ्चालन शुरु गरेको छ । नगरपाालिकाले गत आइतबारदेखि भौतिक कक्षा सञ्चालन शुरु गरेको जनाएको छ ।

नगरपालिकाभित्र ४४ सामुदायीक, ७ संस्थागत गरी ५१ विद्यालय रहेको नगरपालिाका शिक्षा शाखा प्रमुख लोकेन्द्र विष्टले बताए । विद्यार्थीहरु अनलाईनको पहुँचमा नभएकोले गत वर्ष नगरपालिकाले रेडियोबाट पठनपाठन गरेको थियो । रेडियोबाट पनि प्रभावकारी नभएकोले भौतिक रुपमा कक्षा सञ्चालन शुरु गरेको शाखा प्रमुख बिष्टले बताए ।