ललितपुरको इमाडोल र बुद्धनगरमा चोरी

११ साउन ०७८, ललितपुर । ललितपुरको इमाडोल र काठमाडौंको बुद्धनगरमा चोरी भएको छ ।
प्रहरीका अनुसार महालक्ष्मी नगरपालिका १ इमाडोल बस्ने घनश्याम मैनाली र काठमाडौं महानगरपालिका १० बुद्दनगर डेरा गरी बस्ने काभ्रे बेथानचोक गाउँपालिका ३ घर भएका ३२ वर्षीय सुन्दर लामाको कोठाबाट विभिन्न सरसामान चोरी भएको हो ।
लामाको कोठाबाट नगद ४ लाख रुपैयाँ र ४ आना सुनको मगलसुत्र शनिबार बिहान चोरी भएको हो । उनको कोठाको अपरिचित व्यक्तिले कोठाको ताला फुटाई चोरी गरी लगेको भन्ने खबर प्राप्त हुनासाथ महानगरीय प्रहरी वृत्त बानेश्वरबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा थप अनुसन्धान गरिरहेको बताएको छ ।
साथै ललितपुरको महालक्ष्मी नगरपालिका १ इमाडोल बस्ने घनश्याम मैनालीको घरबाट १ थान टिभि, ४ थानको सुनको बाला र नगद २० हजार रुपैयाँ समेत गरी करिब २ लाख ८६ हजार रुपैयाँ बराबरको धनमाल आइतबार दिउँसो चोरी भएको छ । घरमा कोही नभएको अवस्थामा अपरिचित व्यक्तिहरुले ढोका फोडी सामान चोरी गरी लगेको भन्ने खबर प्राप्त हुनासाथ महानगरीय प्रहरी प्रभाग इमाडोलबाट खटिएको प्रहरीले चोरीमा संलग्न हाल फरार
व्यक्तिहरुको खोजी गर्नुका साथै यस सम्बन्धमा थप अनुसन्धान गरिरहेको जानकारी दिएको छ ।