काठमाडौं उपत्यकामा आजदेखि मास्क नलगाउनेलाई कारबाही

१९ साउन ०६८,काठमाडौं । काठमाडौं उपत्यकामा कोरोना संक्रमणको दर बढ्दै गएपछि आजदेखि अनुगमन हुने भएको छ । अनुगमनका लागि सहायक प्रमुख जिल्ला अधिकारीको संयोजकत्वमा निषेधाज्ञा अनुगमन समिति गठन भएको छ।
बढी भीडभाड हुने क्षेत्र र सार्वजनिक गाडीलाई प्राथमिकतामा राखेर अनुगमन हुनेछ । अनुगमनका क्रममा मास्क नलगाइएको पाइए कारबाही हुनेछ ।

यस विषयमा आज बस्ने कोभिड–१९ सङ्कट व्यवस्थापन केन्द्र निर्देशक समिति सीसीएमसीको बैठकमा छलफल हुनेछ । त्यसपछि भोलि बस्ने उपत्यकाका तीनै प्रमुख जिल्ला अधिकारीको बैठकले निषेधाज्ञा बारे निर्णय गर्नेछ ।