बूढानीलकण्ठमा दिउँसै चोर पस्यो,२२ तोला सुन चोरेर भाग्यो

२२ साउन ०७८, काठमाडौं । बूढानीलकण्ठ नगरपालिका ५ स्थित रोडशो हाउजिङभित्र रहेको सहाना श्रेष्ठको घरमा बिहीबार दिउँसा चोर पसेको छ । प्रहरीका अनुसार चोरले २२ तोला सुनका विभिन्न गहना र ७ सय तोला चाँदीका विभिन्न गहना समेत गरी करिब २८ लाख रुपैयाँ बराबरको धनमाले चोरी भएको छ ।
घरमा कोही नभएको अवस्थामा आलमुनियमको झ्याल फुटाई अपरिचित व्यक्तिहरु पसेको प्रहरीले जानकारी दिएको छ । चोरी गरेको भन्ने खबर प्राप्त हुनासाथ महानगरीय प्रहरी प्रभाग बुढानिलकण्ठबाट खटिएको प्रहरीले चोरीमा संलग्न व्यक्तिहरुको खोजी भइरहेको जानकारी दिएको छ ।