राजधानीको नयाँबजार र दधिकोटमा चोरी

२३ साउन ०७८,काठमाडौं । राजधानीको नयाँबजार र दधिकोटमा चोरी भएको छ । प्रहरीका अनुसार काठमाडौं महानगरपालिका–१६ नयाँबजार खुसिबु डेरा गरी बस्ने धादिङ गल्छी गाउँपालिका १ घर भएका रामहरि शाहीको कोठाबाट नगद तथा सुनका बिभिन्न गरगहना समेत गरी करिब ७ लाख २७ हजार रुपैयाँ बराबरको धनमाल शुक्रबार दिउँसो चोरी भएको छ ।
सूर्यविनायक नगरपालिका ४ दधिकोट डेरा गरी बस्ने रामेछाप सालुदेउराली घर भएकी २२ वर्षीया रेखा थापाको कोठाबाट सुनका बिभिन्न गरगहना समेत गरी करिब ४ लाख ३७ हजार रुपैयाँ बराबरको धनमाल शुक्रबार दिउँसो चोरी भएको छ ।
चोरीमा संलग्न अहिलेसम्म फरार व्यक्तिहरूको खोजी गर्नुका साथै यस सम्बन्धमा प्रहरीले थप अनुसन्धान गरिरहेको प्रहरीले जानकारी दिएको छ ।