२५ साउन ०७८, काठमाडौं । नेवार समुदाय भित्रका बौद्ध धर्मावलम्बीले आज गुंला पर्व मनाउँदैछन् । बौद्ध धर्मावलम्बीहरु आजदेखि एक महिनासम्म बिहान विभिन्न परम्परागत बाजा बजाएर विभिन्न तीर्थस्थलमा जाने चलन छ ।
काठमाण्डौका भित्री टोलका शाक्य, बज्राचार्य, साय्मी, उदाय र महर्जन समुदायले गुंला बाजा समूह दिनहुँ बाजागाजासहित स्वयम्भू परिक्रमा गर्ने चलन छ । तर यसपालि कोरोना भाइरसको जोखिम कायमै रहेकाले एक महिनासम्म हुने धार्मिक गतिविधि पनि प्रभावित भएको छ।
यसैबीच ललितपुरमा आजदेखि बगी जाने भनेर मतयाःको रुट निरीक्षण गर्न जाने पर्व सुरु भएको छ । हरेक वर्ष स्थानीय बासिन्दाले आजदेखि मतयास्को रुप निरीक्षण गर्न जाने गर्दछन् । तर यसपालि परम्परालाई मात्र निरन्तरता दिनको लागि १०, १२ जनामात्र भेला भएर बाजाबिना ब्वगी सुरु गरेको आयोजक न्यकू जात्रा मतयाः व्यवस्था मूल समिति क्षेत्र नम्बर ८, इखालखु टोलले जनाएको छ।
प्रतिक्रिया