काठमाडौंको कपनबाट लागु औषधसहित पक्राउ

२९ साउन ०७८,काठमाडौं । काठमाडौंको बुढानिलकण्ठ नगरपालिका १२ कपन मुस्कान चोकबाट नियन्त्रित लागूऔषध ३ सय ९९ थान डाइजेपाम, ३ सय ९० थान नुफिन, ४ सय थान फेनारगन र ९ सय चक्की नाइट्राभेट सहित २ जनालाई बिहीबार दिउँसो प्रहरीले पक्राउ गरेको छ ।
पक्राउ पर्नेहरुमा यसै ठाउँ डेरा गरी बस्ने सिन्धुपाल्चोक लिसांङ्खु गाउँपालिका ७ घर भएका ४२ वर्षीय बुद्ध गुरुङ र काठमाडौं कपन जोरधार बस्ने उदयपुर गढी गाउँपालिका ७ घर भएका ३० वर्षीय शिब कुमार गिरी रहेका छन् । महानगरीय प्रहरी प्रभाग कपनबाट खटिएको प्रहरीले बुद्धको कोठा जाँच गर्ने क्रममा उक्त लागूऔषध सहित फेला पारी उनीहरुलाई पक्राउ गरेको हो ।
सर्लाही कौडेना गाउँपालिका १ सुक्चैना बजारबाट १ किलो अवैध लागूऔषध गाँजा सहित कबिलासी नगरपालिका ७ सिरसिया बस्ने २४ वर्षीय पोष ठाकुर कबिलासीलाई बिहीबार दिउँसो प्रहरीले पक्राउ गरेको छ । प्रहरी चौकी सुन्दरपुरबाट खटिएको प्रहरीले उनलाई यस गाँजा सहित फेला पारी पक्राउ गरेको हो ।