ग्वार्कोमा मोटरसाइकल जल्यो

३१ साउन ०७८, काठमाडौं । ललितपुरको ग्वार्कोमा शनिबार अचानक मोटरसाइकलमा आगो लागेर जलेको छ ।
प्रहरीका अनुसार ललितपुरको ललितपुर महानगरपालिका १७ ग्वार्कोस्थित सडकमा पार्किङ गरिराखेको बा.९५प ७९९८ नम्बरको मोटरसाइकल र बा.८३ प ९३८५ नम्बरको मोटरसाइकलमा शनिबार बिहान आगलागी भएको छ ।
प्रहरीका अनुसार आगलागीबाट बा.९५ प ७९९८ नम्बरको मोटरसाइकल पूर्ण रुपमा क्षति भएको र बा.८३ प ९३८५ नम्बरको मोटरसाइकल आंशिक रुपमा जलेर क्षति भएको छ ।