किर्तिपुरमा मोटरसाइकल दुर्घटना, युवकको मृत्यु

३२ साउन ०७८, किर्तिपुर । काठमाडौंको किर्तिपुरमा मोटरसाइकल दुर्घटना हुँदा एक युवकको मृत्यु भएको छ । प्रहरीका अनुसार काठमाडौंको कीर्तिपुर नगरपालिका ३ खसिबजारस्थित सडकमा बा.७३ प ६०१२ नम्बरको मोटरसाइकल अनियन्त्रित भई शनिबार राति दुर्घटना भएको थियो । दुर्घटनापछि मोटरसाइकल चालक कीर्तिपुर नगरपालिका १० बाघभैरब बस्ने कञ्चनपुर बेलौरी नगरपालिका ३ घर भएका ३२ वर्षीय दयराम चौधरीको मृत्यु भएको छ ।
दुर्घटनामा गम्भीर घाइते भएका उनको कीर्तिपुर अस्पताल देवढोकामा उपचारको क्रममा मृत्यु भएको थियो ।