रत्नपार्कका यौनकर्मीको प्रहरी अपरेसनपछि भागाभाग

ललितपुर खबर
११ भदौं ०७८, रत्नपार्क । काठमाडौंको रत्नपार्कमा बसेर यौन व्यावसाय चलाईरहेको यौनकर्मीहरु प्रहरी अपरेसनपछि भागाभाग भएको छ । गएको आइतबार ३ बजेतिर एक्कासी प्रहरी आएर रत्नपार्कबाट यौन व्यावसायमा संलग्न युवती र तेश्रो लिंगीलाई पक्राउ गरेको थियो ।

प्रहरीका अनुसार यहाँबाट युवतीहरु खोज्न आउने प्ुरुष यौन व्यावसायमा सघाउने दलालहरु समेत पक्राउ परेका थिए । उनीहरुलाई नगर प्रहरी र प्रहरीका गाडीमा राखेर भृकुटीमण्डपस्थित प्रहरी कायालय लगिएको थियो ।
भृकुटीमण्डपस्थित पुलिस क्लवमा कार्यरत एक प्रहरीका अनुसार रत्नपार्कबाट पक्राउ परेका यौनकर्मीहरु अनुसन्धानपछि साँझ नै छुट्ने गरेका छन् । उनका अनुसार दोषि देखिए मुद्दा प्रकृया सुरु हुन्छ नत्र सबै छुट्छन् । उनका अनुसार ती सवै यौनकर्मीहरु फर्किसकेका छन् ।
रत्नपार्कमा फुटपाथ व्यापार गरेर बस्ने एक व्यापारीका अनुसार रत्नपार्कमा यौन व्यावसायमा संलग्नहरुको खोजीमा हरेक दिन दिउँसो प्रहरी आउने गरेको छ । एक फुटपाथ व्यापारीका अनुसार बुधबार र विहीबार प्रहरी अपरेसन नभए पनि त्यसअघि निरन्तर प्रहरी आएर यौन व्यावसायीहरुको खोजी गरिरहेको थियो । उनले भने, प्रहरी दिउसोपख आउने हुँदाविहान वेलुका उनीहरु ग्राहक खोज्न आउछन् एकछिन बस्छन् जान्छन् ।
अर्का फुटपाथका व्यापारीका अनुसार यौनकर्मीको दलालहरु भने अझै रत्नपार्कमा घुमिरहेका छन् । यौनकर्मीका दलालहरु केटा भएका कारण प्रहरीले सझिलै पहिचान नगर्ने र रत्नपार्कमा ग्राहक खोज्न आउने नियमित ग्राहक चिन्ने भएकाले उनीहरुले यौन व्यावसायमा सहयोग गरिरहेका छन् ।
उनका अनुसार काठमाडौंमा धेरै यौन व्यावसायीहरु आफ्नो कोठामा बसेर धन्दा चलाइरहेका छन् । दलालहरुले नियमित रत्नपार्कबाट ग्राहक खोजेर कोठामै पुर्याइदिने र कमिसन खाने गरेका छन् ।
रत्नपार्कबाहेक राजधानीको नयाँ वसपार्क,गोंगवु, वागबजार,ठमेल र गौशालालगायतको क्षेत्र यौन व्यावसायीहरुको क्षेत्र(रेडलाइट)का रुपमा परिचित छ । यस ठाँउहरुमा खुलमखुल्ला रुपमा यौन व्यावसायीहरुले ग्राहक खोज्ने, पैसाको मोलमोलाई गर्ने गरे पनि प्रहरीले पक्राउ गरेर कारवाही नगरेको भन्दै स्थानीयहरुले आक्रोस व्यक्त गरिरहेका थिए ।
नेपालमा यौन व्यावसाय कानूनी रुपमा प्रतिवन्धित छ । संसारका कतिपय देशमा विशेष क्षेत्र (रेड लाइट एरिया) तोकेर यौन व्यावसाय गर्नलाई छुट दिइएको हुन्छ ।

यस सम्बन्धमा काठमाडौं प्रहरी प्रवक्ता रमेश बस्नेतले उनीहरुलाई अर्कोपल्टदेखि यसो नगर्न सचेत गराउदै सम्झाएर छोडिएको बताए ।
दरवारमार्गका स्थित प्रहरी कार्यालयमा कार्यरत डिएसपि रामेश्वर पौडेलले यौनकर्मीहरुलाई सम्झाएर छोडेको बताए । उनले भने रत्नपार्क क्षेत्रमा विकृति फैलिएको र विकृति रोक्न उनीहरुलाई पक्राउ गर्नु परेको बताए ।