पाटन कृष्ण मन्दिरमा बाहिरबाटै पूजा–आराधना

१४ भदौं ०७८, पाटन । श्रीकृष्ण जन्माष्टमी पर्व सोमबार देशभर भगवान श्रीकृष्णको पूजा–आराधना गरि श्रद्धा–भक्तिपूर्वक मनाईँदै छ ।
यसैबीच जन्माष्टमीका दिन पाटनको मङ्गल बजारस्थित प्रसिद्ध कृष्ण मन्दिरमा लाग्ने मेला भने कोरोना जोखिम कायमै रहेका कारण पूजा विधि मात्र गरिने जनाइएको छ ।

ललितपुर महानगरपालिकाले सूचना प्रकाशन गरि भक्तजनलाई दर्शन गर्न नदिने जानकारी जनाएको थियो । तर मन्दिर सर्वसाधारणका लागि खुला नभए पनि सीमित मात्रामा भक्तजनहरु बाहिरैबाट पूजा आराधनाका लागि पुगेका छन् । बाहिरबाटै दर्शनका लागि पुगेकाहरुलाई मास्क अनिवार्य गरिएको छ । प्रहरी खटिएका छन् र ठाउँठाउँमा सचेतनाका सूचनाहरु पनि राखिएका छन् ।