गुण्डुमा खुर्पा प्रहारपछि तामाङ्ग गम्भिर घाइते, युवक पक्राउ

५ असोज ०७८,भक्तपुर । सूर्यविनायक नगरपालिका ७ गुण्डु सोमेडाँडा बस्ने सिन्धुली रत्नवती गाउँपालिका ६ घर भएका २३ वर्षीय तिर्थ बहादुर तामाङलाई खुर्पा प्रहार गरी गम्भीर घाइते बनाएको अभियोगमा सोही ठाउँ बस्ने ३० वर्षीय थरई तामाङलाई आइतबार साँझ प्रहरीले पक्राउ गरेको छ ।
मादक पदार्थ सेवन गरी खुर्पा प्रहार गर्दा घाईते भएका तिर्थलाई मध्यपुर अस्पताल हुँदै थप उपचारको लागि शिक्षण अस्पताल महाराजगंज रिफर गरिएको र अवस्था बोल्न नसक्ने रहेको छ ।
घटनाका सम्बन्धमा प्रहरीले अनुसन्धान गरिरहेको जानकारी दिएको छ ।