ललितपुर खबर
६ असोज ०७८, ललितपुर । तामाङ समुदायको पहिचानका लागि कोञ्ज्योसोम गाँउपालिकाले सूचना नै प्रकाशित गरेर थरको पछाडि तामाङ लेख्न आग्रह गरेको छ ।
दक्षिण ललितपुरको तामाङ समुदायको बाहुल्य रहेको गाँउपालिका कोञ्ज्योसोम गाँउपाकिलकाले जनगणना २०७८मा खट्टिइ आएका गणकहरुलाई नाम टिपाउदा हरेक तामाङ जातीले आफ्नो नाम र थरको पछाडि तामाङ लेखाएर पहिचान दिन आग्रह गरेको हो ।
गाँउपालिकाका अध्यक्ष गोपिलाल सिंतानद्धारा हस्ताक्षरित सूचनामा थरको पछाडि तामाङ लेखाई पहिचान सुनिश्चित गर्न भनेका हुन् ।
यस गाँउपालिकाका झण्डै ८३ प्रतिशत तामाङ समुदायको बसोबास छ । २०७३ सालको स्थानीय निर्वाचनमा दुई तिहाई जनप्रतिनिधिले यस पालिकाबाट स्थानीय निकायको निर्वाचनमा विजय प्राप्त गरेका थिए ।
कोञ्ज्योसोम गाँउपालिकाको नामाङ्करण पनि तामाङ भाषा भाषीकै प्रतिनिधित्व गरेर राखिएको थियो ।
प्रतिक्रिया