गोकर्णेश्‍वरमा तास खेलिरहेको अवस्थामा ५ जना पक्राउ

१० असोज ०७८,काठमाडौं ।काठमाडौंको गोकर्णेश्वरबाट तास खेलेको आरोपमा प्रहरीले ५ जनालाई पक्राउ गरेको छ ।
प्रहरीले दिएको जानकारी अनुसार गोकर्णेश्‍वर नगरपालिका ८ बेशीगाउँ भेनसमोड डेरा गरी बस्ने सिन्धुपाल्चोक बलेफी घर भएका ५४ वर्षीय धनकाजी तामाङको कोठामा तास खेलिरहेको अवस्थामा ५ जनालाई शुक्रबार दिउँसो प्रहरीले पक्राउ गरेको छ ।
उनको कोठामा तास खेलिरहेको भन्ने सूचनाको आधारमा महानगरीय प्रहरी वृत्त बौद्धबाट खटिएको प्रहरीले उनीहरुलाई नगद ५३ हजार २ सय २५ रुपैयाँ र ३ बुक तास सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेका प्रहरीले जानकारी दिएको छ ।