कोरोना परिक्षणमा बढी पैसा लिएपछि ललितपुर प्रशासनले सुमेरु अस्पताललाई तिरायो २० हजार जरिवाना

११ असोज ०७८, ललितपुर । नजिकिदै गरेको दशैंलगायत चाडपर्वको अवसरमा बजार अनुगमनको क्रममा जिल्ला प्रशासन कार्यालय ललितपुरले सुमेरु सिटी अस्पताललाई कारवाही गरेको छ । सहायक जिल्ला प्रमुख अधिकारी ललितकुमार बस्नेतका अनुसार ललितपुरको पुल्चोकस्थित सुमेरुसिटी अस्पताललाई २० हजार जरिवाना तिराइएको हो । अस्पतालले कोरोना परिक्षणको क्रममा एन्टिजेन परिक्षष गर्दा तोकेभन्दा धेरै शुल्क लिएको भन्दै ठाँउको ठाँउ २० हजार जरिवाना लिएको हो ।
प्रशासन कार्यालयले पुल्चोक क्षेत्रमा सञ्चालित लेभल थ्रि,रेडहाउस पिज्जा, र डल्ले रेष्टुरेष्टलाई पनि कारवाही गरेको छ । यी रेष्टुरेन्टहरुले दर्ता नविकरण नगरेको र मूल्यसूचि नराखेको भन्दै लेभल थ्रिलाई ५ हजार र रेड हाउस र डल्लेलाई १० हजार जरिवाना गरेको छ ।