भक्तपुरको कौशलटारमा मोटरसाइकल दुर्घटना, एक युवकको मृत्यु

१९ असोज ०७८, भक्तपुर । भक्तपुरको कौशलटारमा भएको मोटरसाइकल दुर्घटनापछि एक युवकको मृत्यु भएको छ । प्रहरीका अनुसार भक्तपुरको मध्यपुर ठिमी नगरपालिका ३ कौशलटार चा कस्थित सडकमा ना.३२ प ६६७३ नम्बरको मोटरसाइकल आफैं अनियन्त्रित भई सडकको रेलिङमा ठोकिएर सोमबार राति दुर्घटना हुँदा मोटरसाइकल चालक भक्तपुर नगरपालिका १० कमलबिनायक बस्ने पर्सा वीरगंज महानगरपालिका २० ठेगाना भएका ३० वर्षीय लोकनाथ ठाकुरको मृत्यु भएको छ ।
दुर्घटनामा गम्भीर घाइते भएका उनको भक्तपुर ईन्टरनेशनल अस्पतालमा उपचारको क्रममा मृत्यु भएको हो । दुर्घटना परी घाइते भएका मोटरसाइकलमा सवार वीरगंज घर भई ईलाका प्रहरी कार्यालय चन्द्रनिगापुर रौतहटमा कार्यरत प्रहरी हवल्दार सियाराम सिंहको नागरिक अस्पताल ठिमी हुँदै थप उपचारको लागि नेपाल प्रहरी अस्पताल महाराजगंज रिफर गरिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको प्रहरीले जानकारी दिएको छ ।