पाटनका बाराहीलाई कोरोयाको झाञ्जु अन्तराष्टिय अवार्ड प्रदान

२२ असोज ०७८, काठमाडौं । मच्छिन्द्रनाथ काष्ठकलाका नाइके तथा ललितपुर पाटनका शिल्पी दिलकुमार वाराही अमूर्त सांस्कृतिक सम्पदासम्वन्धी अन्तराष्टिय अवार्डबाट विभुषित गरिएको छ । वाराहीलाई दक्षिण कोरियाको झाञ्जु नगरले झाञ्जु अन्तराष्र्टिय अवार्ड प्रदान गरेको हो । कोरोनाका कारण अनलाइन कार्यक्रमबीच बिहीबार अवार्ड प्रदान गरेको थियोे ।
दक्षिण कोरियाको झाञ्जु नगरले संसारभरका अमूर्त सांस्कृतिक सम्पदा प्रवद्र्धनका लागि हरेक वर्ष यस्तो अवार्ड प्रदान गर्दै आएको छ । यसवर्ष भने नेपाल, इटली र ताजिकिस्तानले प्राप्त गरेका छन् । झाञ्जु नगरका प्रमुखले भौतिक रुपमै अवार्ड प्रदान गर्ने कार्यक्रम रहेको भएपनि कोरोनाका कारण भर्चुअल कार्यक्रमबीच अवार्ड प्रदान गरेको वाराहीले जानकारी बताए । अवार्डको राशी १० हजार अमेरिकी डलर रहेको छ । वाराहीले विगत ५५ वर्षदेखि मच्छिन्द्रनाथको काष्ठकलासम्वन्धि काम गर्दै आइरहेका छन् ।