ललितपुरमा आज विद्युत अवरुद्ध हुँदै

ललितपुर खबर
२३ असोज ०७८, चापागाँउ । आज ललितपुरका विभिन्न स्थानमा विद्युत अवरुद्ध हुने भएको छ । विद्युत प्राधिकरण ललितपुरका अनुसार ललितपुरको चक्रपथ अन्र्तगत महालक्ष्मीथान, थसीखेल, एकान्तकुना, नख्खिपोट, मिलनचोक, कान्तिपुर कोलोनी, रानीबु, शोभाहिती, तल्चिखेल, तिखेदेवल क्षेत्रमा बुश कटिङका लागि विहान ८ बजेदेखि साडे १० बजेसम्म विद्युत अवरुद्ध हुन लागेको हो ।
साथै ११ बजेदेखि ५ बजेर ३० मिनेटसम्म गोदावरी फिडरमा समेत विद्युत अवरुद्ध हुदैछ । यसबाट गोदावरी क्षेत्रका विभिन्न स्थानमा बत्ती बल्नेछैन ।

साथै महालक्ष्मी नगर र चापागाँउसहित दक्षिण ललितपुरमा समेत विद्युत् अवरुद्ध हुँदैछ ।  यस क्षेत्रमा ८ बजेदेखि महालक्ष्मी नगर र चापागाँउसहित दक्षिण ललितपुरमा समेत विद्युत् अवरुद्ध हुँदैछ । यस क्षेत्रमा भने समय सिमा नतोकी काम नसकुन्जेल सम्म विद्युत अवरुद्ध हुने प्राधिकरणको भनाई छ ।

यसबाट महालक्ष्मीथान नगरका विभिन्न क्षेत्रहरु, ललितपुर महानगरको थसीखेल, एकान्तकुना, नख्खिपोट, मिलनचोक, कान्तिपुर कोलोनी, रानीबु, शोभाहिती, तल्चिखेल, तिखेदेवल, लगायत र गोदावरी नगरको चापागाउ, लेलेसहित दक्षिण ललितपुर सम्पूर्ण क्षेत्रहरुका विद्युत अवरुद्ध हुनेछ ।