काठमाडौंको नयाँबस्तीमा दशैंमा तास खेल्दा पक्राउ

१ कार्तिक ०७८, काठमाडौं । दशैंको टिकाको दिन तास खेलेको भन्दै काठमाडौंको गोकर्णेश्वर नगरपालिका ५ नयाँबस्ती बाट ११ जना युवाहरु पक्राउ परेका छन् । प्रहरीका अनुसार यसै ठाँउमा डेरा गरी बस्ने मकवानपुर घर भएका ३४ वर्षीय असल बलको कोठामा तास खेलिरहेको अवस्थामा बल लगायत ११ जनालाई शनिबार दिउँसो प्रहरीले पक्राउ गरेको हो ।
उनले आफ्नो कोठामा जुवातास खेलाइरहेको भन्ने खबर पाएपछि महानगरीय प्रहरी वृत्त बौद्धबाट खटिएको प्रहरीले उनीहरुलाई २ लाख ८२ हजार ५ सय रुपैयाँ र ४ बुक तास सहित पक्राउ गरेको जनाएको छे ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।