७ कार्तिक ०७८, चापागाँउ । एमाले ललितपुरको प्राय सबै वडा नेतृत्व सर्वसम्मत निर्वार्चित भएका छन् ।
नेकपा एमाले ललितपुरका सचिव पुरुषोत्तम आचार्यले ललितपुर महानगरको १८ नम्बर वडाबाहेक सबै ठाँउमा सर्वसम्मत नेतृत्व चयन भएको बताए । उनले भने धेरै ठाँउमा विधान अनुप कार्यसमिती बनेको थिएन । हामले नयाँ संविधानको प्रावधान बमोजिम बनाइएको विधान अनुसारको कार्यसमिती बनाएका छौं ।
कही कतै विधान बमोजिम ३३ प्रतिशत महिलाको सहभागिता नभएको अवस्थामा खाली राखेर पछि पूर्ति गरिने उनको भनाई छ ।
ललितपुर महानगरका पालिका अध्यक्ष मञ्जली शाक्यले ललितपुर महानगरमा वडाअधिवेशनका क्रममा निर्वाचन भएको बताइन् । उनले भनिन्,वडामा गोपाल डंगोल र शिवराम खड्काबीच प्रतिश्पर्धा भयो ।
महानगरमा वडा नम्बर चौधमा भने यसअघि नै अधिवेशन सम्पन्न भइसकेको थियो । यस वडामा पुस्कर श्रेष्ठको नेतृत्वमा कार्यसमिती बनिसकेको छ । नेकपा एमालेले शनिबार देशभर वडा अधिवेशन सम्पन्न गरेको छ । केही दिनअधि आएको बाढी पहिरोका कारण अप्ठ्यारो परेको ठाँउबाहेकका बडामा अधिवेशनसँगै वडा स्तरमा नयाँ कार्यसमिती बनेको नेकपा एमालेले बताएको छ ।
वडाअधिवेशनको उद्घाटन पार्टी अध्यक्ष केपी शर्मा ओलिले भचुअल माध्यमबाट गरेका थिए ।
ललितपुर जिल्लामा रहेका ६ ओटा स्थानीय तहका ७१ वटै वडामा एमालेको वडा अधिवेशनहरु सम्पन्न भए । बागमती गाउँपालिकाका ७ वडा, कोञ्ज्योसोम गाउँपालिकाका ५ वडा, महाङ्काल गाउँपालिकाका ६ वडा, गोदावरी नगरपालिकाका १४ वडा, महालक्ष्मी नगरपालिकाका १० वडा र ललितपुर महानगरपालिकाका २९ वडामा अधिवेशन सम्पन्न भई नयाँ कमिटि चयन भएका हुन् ।
कुन पालिकाका कुन वडामा कोको भए अध्यक्ष
महाङ्काल गाउँपालिकाको ६ वटा वडामा क्रमश जगन्नाथ दाहाल, वीर बहादुर लामा, कल्याण महत, प्रेम घिमिरे, विश्वराम घिमिरे मिठाराम जमकटेल निर्वाचित भएका छन् । दक्षिण ललितपुरको वागमती गाँउपालिकाको वडाहरुमा क्रमश १ नम्बर वडामा पुरुषोत्तम घिमिरे, २ नम्बरमा ज्ञान प्रसाद सापकोटा, ३ नम्बरमा रमेश सञ्जेल ४ नम्बरमा डम्बर बहादुर बाँनिया, ५ नम्बरमा अर्थमान बोम्जन,६ नम्बरमा रामशरण घिमिरे र ७ नम्बरमा होम प्रसाद बजगाईं निर्वाचित भए ।
दक्षिण ललितपुरकै कोञ्ज्योसोम गाउँपालिकाको १ नम्बरमा तावाङ लामा, २ नम्बरमा रोहन स्यङ्तान,३ नम्बरमा दुर्गा दाहाल, ४ नम्बरमा मान बहादुर स्याङ्तान र ५ नम्बरमा सानुकान्छा तामाङ निर्वाचित भए ।
गोदावरी नगरपालिकाको १ नम्बरमा नन्द श्रेष्ठ, २ नम्बरमा पुष्कर गिरी,३ नम्बरमा सन्तोष कुँवर,४ नम्बरमा बालमुकुन्द आचार्य, ५ नम्बरमा विनोद सिलवाल, ६ नम्बरमा कुमार खड्का, ७ नम्बरमा कृष्ण तामाङ्ग ८ नम्बरमा प्रल्लाद रानाभाट,९ नम्बरमा बल्लभ विष्ट,१० नम्बरमा प्रकाश केसी, ११ नम्बरमा दिपेन्द्र देशार,१२ नम्बर न्हुच्छे राम महर्जन,
१३ नम्बरमा बालगोपाल केसी र १४ नम्बरमा राम महर्जन निर्वाचित भएका छन् ।
प्रतिक्रिया