ललितपुरमा जेष्ठ नागरिकलाई निमोनियाविरुद्धको खोप लगाउन सुरु

१४ कात्तिक ०७८, ललितपुर । ललितपुर महानगरपालिकाले आज आइतबारबाट नगरभित्रका जेष्ठ नागरिकलाई निमोनियाविरुद्धको खोप लगाउन शुरु गरेको छ ।
महानगरका प्रमुख प्रशासकीय अधिकृत गणेश अर्यालका अनुसार पहिलो चरणमा ७४ वर्षमाथिका जेष्ठ नागरिकलाई आइतबारदेखि निमोनियाविरुद्धको खोप लगाउन शुरु गरिएको हो । खोप बुधबारसम्म सञ्चालन हुनेछ । खोप केन्द्रहरुमा नागरिकताको प्रमाणपत्र र वडा कार्यालयको सिफारिस लिएर विहान ११ बजेदेखि ४ बजे भित्र जानु पर्छ ।
महानगरले ‘७० वर्षभन्दा माथिका सबै नागरिकलाई खोप लगाउने लक्षयका साथ खोप अभियान सुरु गरिएको बताइएको छ । अहिले ७४ वर्ष माथिका जेष्ठ नागरिक लाई खोप दिन लागिएको भएपनि लगत्तै दोश्रो चरणको खोप कार्यक्रम संचालन गर्ने महानगरको लक्ष्य छ
ललितपुर महानगरमा ७४ वर्षभन्दा माथिका जेष्ठ नागरिकको संख्या ५ हजार २ सय छन् ।