सिन्धुपाल्चोकमा कभर्डहल बनाउन देउसी खेलेर एक लाख रुपैयाँ संकलन

२० कात्तिक ०७८, सिन्धुल्पाल्चोक । पाँचपोखरी थाङपाल ४ को थाङपालकोट ब्याडमिन्टन टिमले देउसीभैली खेलेर करिब एक लाख रुपैया सङ्कलन गरेको छ । ब्याडमिन्टन खेल्न सहज बनाउन कभर्ड हल निमार्णको उद्येश्यसहित देउसीभैली कार्यक्रम मार्फत ९८ हजार नौ सय रुपैया सङ्कलन गरिएको स्थानीय सुन्दर सापकोटाले जानकारी दिएका छन् ।
यो रकममा थप गरी एक लाख पु¥याउने उनले जानकारी दिएका छन् । साथै कभर्ड हल बनाउन आवश्यक रकम थप गर्न स्थानीय, प्रदेश र सङ्घीय सरकारलाई आग्रह गरिने ब्याडमिन्टन टिमले जनाएको छ ।