काठमाडौंको बुढानिलकण्ठ र तिनचुलीमा २ जना मृत अवस्थामा फेला

१९ कात्तिक ०७८, काठमाडौं । काठमाडौंको बुढानिलकण्ठ र तिनचुलीमा एक एक जना अपरिचित व्यक्तिहरु म्ृत अवस्थामा फेला परेका छन् ।
प्रहरीका अनुसार काठमाडौंको बुढानिलकण्ठ नगरपालिका १३ चुनिखेलस्थित नारायणकाजी श्रेष्ठको गाई गोठमा हाल नाम, थर, वतन नखुलेका करिब ५४ वर्षीय पुरुष शुक्रबार मृत अवस्थामा फेला परेका हुन् ।
यसैगरी काठमाडौं महानगरपालिका ६ तिनचुली कुवाटोल नजिक सडक पेटिमा हाल नाम, थर, वतन नखुलेका करिब ४५ वर्षीय पुरुष शुक्रबार मृत अवस्थामा फेला परेका छन् । घटनाका सम्बन्धमा प्रहरीले अनुसन्धान गरिरहेको जानकारी दिएको छ ।